కణేకల్ మండలం

                   

        ఇక్కడ 36 పడకలతో ఒక ఆసుపత్రి వుంది. ఒక ప్రాథమిక ఆరోగ్య కేంద్రం కూడా ఈ మండలం లోనే వుంది. నలుగురు డాక్టర్లు వున్నారు. అయిన ప్పటికీ 5కి.మీ. కన్నా ఎక్కువ దూరంలోవున్న గ్రామాలకు వైద్య సౌకర్యం లభించడం లేదు. సంచార వైద్య సౌకర్యం ఏర్పాటు చేయాలి. నెలకోసారి హెల్త్ క్యాంపులు ప్రధాన గ్రామాల్లో ఏర్పాటు చేయాలి.

          గంగాలపురం గ్రామం ప్రభుత్వం గుర్తించిన సమస్యాత్మక గ్రామం. ఈ గ్రామంలో బోరుబావుల

ద్వారా త్రాగునీరు సరఫరాచేస్తున్నారు.

         ఈ మండలంలో అక్షరాస్యత 47% (జిల్లాది 56%) జిల్లాలో అతితక్కువ అక్షరాస్యత వున్న

5 మండలాలల్లో (బొమ్మనహాల్-41, గుమ్మగట్ట- 43, డి. హీరేహాల్-43, బ్రహ్మసముద్రం-45,

కణేకల్-47) ఈ మండలం ఒకటి. డ్రాపౌట్లు 986 మంది - బాలికలు- 446 జిల్లాలోని డ్రాపౌట్లు అధికంగా గల 10 మండలాల్లో కణేకల్లు ఎనిమిదవది.

           13 గ్రామాలకు ఉన్నత పాఠశాల 5కి. మీ. పరిధిలోపల అందుబాటులో లేదు. మహిళల్లో

అక్షరాస్యత - 34% వుంది. ఒక జూనియర్ కాలేజ్ మాత్రం ఉంది. బి.సి. బాలికలకు, యస్.సి

బాలురకు హాస్టల్ వసతి లేదు

          425.2 చ.కి.మీ. గల మండలం జనాభా 57,599 ఉంది. జనసాంద్రత 135 (జిల్లా190) లింగనిష్పత్తి 961(జిల్లా 958). దళితులు - 15% ఉన్నారు. గిరిజనులు లేరు.

            7.7% అడవుల విస్తీర్ణముతో 49% మొత్తం సాగువిస్తీర్ణంతో వున్నమండలం. తక్కినదంతా

బీడుభూములే. కాలువల కింద సాగు విస్తీర్ణం - 3393 హె|లు. 12321 కుటుంబాల్లో 43.50%

నిరు పేదల కుటుంబాలు ఉన్నాయి. దాదాపు 50% మందికి ఉపాధి కరువు.

           మండలంలో 500 కంబళ్ళు నేసే మగ్గాలు ఉన్నాయి. ప్రక్కనే రాయదుర్గంలో అభివృద్ధి

చెందిన గార్మెంట్స్ ఈ మండలంలో అభివృద్ధి కాకపోవడం ఆశ్చర్యకరం.

       సగటు వర్షం 458మి.మీ. (జిల్లా 552 మి.మీ) అతి తక్కువ కురిసే 10 మండలాల్లో ఎనిమిదవది కణేకల్లు మండలం. ఈ మండలం మీదుగా వేదవతి (హగరి) ప్రవహిస్తున్నది.